AGRICULTURA ECOLÓXICA OU... REINVENTA-LO
FUTURO
A TERRA ESTÁ VIVA, millóns de microorganismos viven
nela. Destas materias en descomposición que se atopan na
superficie do chan depende a súa fertilidade, e fornecen
á terra coa alimentación necesaria para que as plantas
medren sas. Os fertilizantes químicos fan mermar estes
microorganismos, e as leiras con eles tratadas tórnanse
cada vez máis pobres a medida que van perdendo a súa
fonte de vida: o humus. As plantas medran máis de présa,
ó contrario da súa natureza.O seu exterior é
fermoso á vista e parece sas, pero no seu interior non
se poden formar correctamente nin desenvolve-las defensas necesarias
para evita-las enfermidades e as pragas, polo que se non queren
perde-la colleita deben usar praguicidas. E, todos sabemos que
a TERRA CADA VEZ ESTÁ MÁIS MORTA, as augas subterráneas
e o aire contamínanse, os peixes e as aves morren, as árbores
desaparecen. Chega .... o deserto.
A AGRICULTURA ECOLÓXICA é unha forma alternativa
de enfoca-la produción agraria baseada no respecto pola
contorna que nos rodea, producindo alimentos sans e de máxima
calidade, actualizando os coñecementos técnicos
e científicos. Para acadar estes obxectivos aplícanse
unha serie de técnicas que deben:
_ Estar integradas no agro sistema, de forma que non provoque
impactos ambientais.
_ Potencia-la fertilidade do chan e a capacidade produtiva garantindo
a continuidade da produción agraria.
_ Respecta-los ciclos naturais dos cultivos e darlle ós
animais unhas condicións de vida saudables.
_ Non engadirlle ós alimentos substancias que sexan perxudiciais
para a saúde ou que mermen o seu valor alimenticio.
O consumidor actualmente pode adquiri-los produtos de agricultura
ecolóxica en diferentes puntos de venda; grandes superficies,
asociacións de consumidores, tendas especializadas, etc.
Procurando sempre a etiqueta identificativa do organismo de control
correspondente e a referencia de cultivo ecolóxico.
A falta dunha lexislación eficaz que identifique os alimentos
transxénicos fai de aval de Agricultura Ecolóxica,
a garantía más fiable de que un alimento no contén
compoñentes manipulados xenéticamente.
A agricultura actual separouse tanto do medio que se convertiu
nun dos seus peores inimigos. A xeneralización do uso de
fertilizantes de síntese química provoca a degradación
do solo, a auga e o ar.
A Agricultura Ecolóxica evita estes problemas ó
empregar só produtos e métodos naturais. Tíraselle
proveito ó potencial produtivo do solo, manténdoo
como un sistema vivo e mellorando a súa fertilidade natural.
Créanse sistemas equilibrados, con plantas fortes e sas,
de forma que os propios procesos naturais e a resistencia dos
cultivos sexan dabondo para evitar pragas e enfermidades. O gando
críase nun ambiente propio e natural, alimentándose
de forma equilibrada. Así evítase recorrer ó
uso de substancias ou técnicas que poidan danar o medio.
A Agricultura Ecolóxica precisa sistemas diversos, nos
que a variedade de cultivos, as sebes, a herba ó pé
dos frutais, os estercos verdes, a vexetación das marxes
e ribadas, … xeran ecosistemas ricos e de grande valor ambiental.
En definitiva, mantense un agro ecosistema complexo e vital, relacionado
intimamente coa natureza.
